و انته ماشى الساعه 6 الصبح ... الوقت ال محدتش بيصحى فيه ده ... حتى انته مش بتصحى و اذا بيك تشم ريحه طعميه سخنه تفتح نفسك لليوم كله ... اه و الله زم بقولك كده ...... تضر تنسى قولونك و زمايلك فى الشغل ال ملهمشى اى زنب و تروح للطعميه
الطعميه " فلافل بالاسكندرانى "
• المعروفه باسامى كتير مره يتقال عليها فلافل فى الاسكندريه و مره يتقال عليها الباجيه فى اليمن و اخواتنا فى التجمع و الاماكن المرفهه بيسموها جرين بريجر " اه و الله "
• الطعميه وجبه منتشره فى بلاد كتير شكل العراق و السعوديه و الشام و السودان .....وبلاد كتير ... بس السؤال المهم مين ال اختراع الاختراع العظيم ده .... او بصيغه تانيه مين العبقرى ال رمى اول طشه زيت ......
• الطعميه ديت العالم كله بيتخانق على براه اختراعها ... يعم مش بكبر الموضوع الموضوع كبير فعلا .... بص فى كتاب تاريخ المطبخ لحنان جعفر بتقول ان كلمه فلافل كلمه مصريه مشتقه من كلمه فلفل اما كلمه الطعميه استحدثها المصريين بحكم اللهجه و هى كلمه مصريه بردو مشتقه من كلمه الطعم
• اما السوريين بيقولو ان اصلها من بلاد الشام و ان عمرها اكتر 1400 سنه و ان اسها الحمص و الخضار و ان بمرور الوقت انتقلت للمطبخ فى مصر
• بس حسب تقرير نشرته CNN ان اول ناس اخترع الطعميه او الفلافل هما الاقباط المصريين " مش بقولك الموضوع كبير " علشان تكون وجبه تحل محل اللحوم اثناء الصيام و ان اتنقلت من مصر الى الشام مش العكس ... و ال بيرجح الراى ده ان اصل كلمه فلافل كلمه قبطيه ...و نفس تقرير ال CNN بيقول ان الكلمه فلافل متأخذه من كلمه بلابل ....
• خد الكبيره ديت " حسب كلام مؤرخ الغاء الاميركى ( كن الباله) مؤلف كتاب BENS بيقول ان اصل الطمعيه بيرجع للفراعنه " مش قولتلك الموضوع كبير " و بيرجع للاسره ال 12 و فى بعض النقوش على الجدران بيصور طباخين مصريين و هما بيعملوا الطعميه
• بيقول ان الفراعنه بيحنطوا الطعميه و بيخدوها معاهم بعد موتهم علشان لما يصحوا من الموت يلاقوا حاجه ياكلوها " هتقولى يعنى سابوا كل الاكل الموجود فى الدونيا و بياخدو طعميه " "
• بص ال فات ده ممكن نبلعه عادى بس يجى اليهود و يقولوا ان الطعميه اصلها عبرى لا كده كفايه اوووى مش كده
• الاسرائيين حاطين فى طوابع البريد صوره طعميه و كمان مألفين اغنيه " وى هاف فلافل "
• وفى سنه 2013 لما اوباما زار اسرائيل فعزموه على اكل من التراس اليهودى و كان من ضمن الاكل ده الطعميه
• بص فى 2016 مصر كسبت بطوله العالم فى الفلافل " الله اكبر "
• فى يوم 12 يونيو 2019 ... جوجل خلت اليوم ده هو اليوم العالمى للطعميه " مش قولتلك الموضوع كبيييير "
• ماكدونا عاده بتعمل طعميه و بتسميها ماك فلافل
• بصى نيجى بقى للمهم .... بس ال فات مهم بردو
1-ان الطعميه بيعدم عليها شريحه كبيره من الناس و بذات الغلابه و المهمشين
2- ان فيها قيمه غذائيه كبيره بسبب احتوائها من مجموعه من الحبوب المليانه بالبروتين و العناصر الاساسيه للجسم
3- مش بينصح باكلها للناس ال بتعانى من اضراب القاولون
• بص لو بتلعب PUBG و حد قالك يا طعميه ..... متزعلشى ده فخر ووسام ليك و قوله يا كبسه
و السلام عليكم و رحمه الله
#طعميه
#فلافل
#اصل_الحكايه