 |
| ازاي ابدأ في مجال الـ Digital Marketing - وازاي اشتغل في المجال بعد كدا |
المقال ده لكل حد عاوز يبدأ في مجال الـ Digital Marketing ومش عارف يبدأ إزاي ويتعلم إيه ويشتغل بعدها إزاي👌
______________________________________
محتويات المقال :
- إيه هو الديجيتال ماركتينج ببساطة؟
- وإيه هى أقسام الديجيتال ماركتينج؟ زي 👇
- - Social Media Marketing (SMM)
- -Search engine marketing (SEM)
- Branding:
- -Search Engine Optimization (SEO)
- تحسين أو تهيئة محركات البحث.. يعني إيه؟
- -Content Marketing (CM)
- -E-mail Marketing:
- Copywriting
- -Social Media intern
- -Social Media Junior
- -Social Media Specialist
- Social Media Moderator:
- Social Media Ad Specialist
- Social Media Executive
- -Senior Social Media Specialist
- (الوحش) -Social Media Manager\Director
- intern\Junior\Senior Content Creator:
- Creative Director
- Digital Marketing Junior\Specialist\Executive\Manager
4. عاوزين نتعلم.. نتعلم إزاي؟ أنا هقولك تتعلم إزاي 👌
5. مهارات اضافيه مش لازمه بس لازم تكون عارفها او تكون عندك 👌
6. وأخيرا بعد ما تعدي بكل المراحل دي تشتغل إزاي 👌
-------------------------------
1. إيه هو الديجيتال ماركتينج ببساطة؟
- - هو تسويق أي حاجه (خدمة أو منتج أو شركة.. إلخ) عن طريق الإنترنت
- - الديجيتال ماركتينج هو الـ Umbrella الكبيرة اللي بتضم أقسام كتير جدا من التسويق من خلال الإنترنت
-----------------------------
 |
| اقسام يجيتال ماركتينج - Digital Marketing |
2. وإيه هى أقسام الديجيتال ماركتينج؟
- Social Media Marketing (SMM)
- وده يعني التسويق عن طريق منصات أو الـ Platforms الخاصة بمواقع التواصل الإجتماعي زي (فيسبوك وإنستجرام وتويتر وسناب شات ولينكد إن.. إلخ)
-Search engine marketing (SEM)
- وهو ببساطة إنك بتسوق شغلك عن طريق اعلانات جوجل سواء كانت الاعلانات هتظهر على ويب سايت او يويتوب او حتى اعلان في جوجل سيرش عن طريق Google Adword والمعروف حاليا بـ Google Ads ودي زي منصه عاملاها جوجل لأصحاب الأعمال اللي حابين يعملوا اعلانات مع جوجل لشغلهم
-Branding:
- إنك بتعمل إسم أو بتشهر شركة أو مكان معين أو أي حاجه بتتقدم وتخلي ليها قاعدة جماهيريه عندها ولاء ليها، البراندينج له أكتر من طريقه وأولها إنك بتختار ألوان معينه لشركتك ولوجو وسلوجان وبتختار القيمة اللي هتديها لجماهيرك عشان يكون عندهم ولاء ليك مش مجرد إنك بتسوق لمنتج أو خدمة، إنت كمان لازم تقدملهم قيمة أو تعلمهم حاجه أو تقدملهم معلومة وهى ما يطلق عليها قيمة أو Value
-Search Engine Optimization (SEO)
- تحسين أو تهيئة محركات البحث.. يعني إيه؟
- يعني لما تيجي تعمل سيرش بإسم أي حاجه على جوجل بتلاقي مواقع معينة طالعه أول نتايج في السيرش اللي انت عملته المواقع دي بتهيئ نفسها عن طريق كلمات مفتاحيه مميزه ومحتوى مميز يخليها تظهر رقم واحد في السيرش لما انت تعمل سيرش.
-Content Marketing (CM)
- وده كتابة المحتوى وبينقسم لجزئين فيه ناس بتكتب محتوى للسوشيال ميديا بس يعني دوره يشتغل كتابة محتوى على السوشيال ميديا بس وفيه ناس بتشتغل Content Creators أو كُتاب محتوى على بلوج أو ويب سايت والمحتوى طبعا بيكون طبقا لخطة واستراتيجية محطوطه للمنصه اللي هو بيشتغل عليها والمنتج او الخدمة
 |
| E-mail Marketing: |
-E-mail Marketing:
- وده التسويق عن طريق الإيميل، لما بتسجل دخول في أي موقع مش دايما بيجيلك ايميلات بكل حركه او اكشن عملتها على الموقع ده زي فيسبوك مثلا لما بتضيف حد او بتكتب بوست او حد بيبعتلك ادد او بيعملك كومنت، ده التسويق عن طريق الإيميل
Copywriting:
- كتابة الإعلانات، وده بيحتاج إنك تكون بتعرف تكتب سيناريو وشخص بتفكر ومبدع عشان الفكرة والصياغه هما اهم حاجه في المجال ده بعد ما تتعلم أسس الماركتينج
-----------------------
دي ببساطة مجالات الديجيتال ماركتينج
 |
| وظايف الديجيتال الماركتينج - Digital Marketing واسم ووظيفه كل وظيفه؟ |
3. وظايف الديجيتال الماركتينج واسم ووظيفه كل وظيفه؟:
يلا بينا 😉
إيه هى وظايف الديجيتال ماركتينج؟
-Social Media intern
- وده الشخص اللي بيكون عنده باكجراوند في السوشيال ميديا الماركتينج او معندوش وحابب يتعلم فهيلاقي شركات كتير بتقدم Internships أو تدريب في المجال، فيه شركات بتقدم ده بمقابل مادي وفيه شركات لا، بس صدقني في الأول مش مهم الفلوس على قد ما مهم تتعلم وتجمع خبره، وفي التدريب ده هتتعلم كل حاجه وهتشتغل كل حاجه فمفيش وظيفه محدده ليك تعملها في التدريب
-Social Media Junior
- وده بيكون شخص عنده خبره من 0 سنه لحد سنه في مجال السوشيال ميديا ماركتينج وبيكون لسه في البداية وبيشتغل وسط تيم
-Social Media Specialist
- وده بيكون الليفل الأوسط من الخبره في مجال السوشيال ميديا ماركتينج من سنه لحوالي 3 سنين
-Social Media Moderator:
- وده حد بتكون خبرته من 0 إلى ما لا نهاية بتكون كل شغلته إنه بيرد على المسدجات والكومنتات او التويتس على أي منصة سوشال ميديا
-Social Media Ad Specialist
- وده حد بتكون خبرته بداية من سنتين وبتكون كل شغلانته إنه بيعمل إعلانات لمحتوى الشركة على السوشال ميديا
-Social Media Executive
- وده الراجل اللي بيعمل كل حاجه بإيده وبيكون فوقيه مدير بيعلمه او بيديله تاسكات واكبر واكتر منه في الخبره
-Senior Social Media Specialist
- وده بيكون ليفل متقدم شويه في السوشيال ميديا ماركتينج وغالبا بيكون فيه حد بيشتغل معاه Junior او بيكون مشرف على تيم لكن مش مدير وخبرته بتبدأ من أكتر من 3 سنين لحد 5 سنين
-Social Media Manager\Director ( الوحش )
- وده ليفل الوحش في السوشيال ميديا ماركتينج وده بتكون خبرته اكتر من 5 سنين وبيدير فريق كامل
intern\Junior\Senior Content Creator:
- وده كاتب محتوى زي ما قولنا للسوشيال ميديا او المواقع او البلوجز سواء متدرب أو مبتدئ أو خبره وبيكون عنده خلفيه كبيره عن الماركتينج لإن ده الأساس بتاع شغله
Creative Director
- وده نفس ليفل الـ Manager بس ده خاص بالمحتوى والأفكار اكتر وساعات بيتسمى Manager يعني الـ Creative Director هو مدير فريق برضو بس فريق ناس من كاتبين المحتوى او كاتبين الإعلانات
Digital Marketing Junior\Specialist\Executive\Manager
- نفس سنين الخبره في الوظايف اللي فوق بالترتيب بس الفرق إن الـ Digital غير الـ Social زي ما قولنا فوق لإن الـ Social جزء من الـ Digital فاللي بيشتغل Digital بشكل كامل بيكون معاه جنب الـ Social الـ SEM والـ SEO والـ Email Marketing وغيرها على حسب المطلوب في الشركة اللي هو شغال معاها او فيها
وكده ببساطة نكون لمينا مجال الديجيتال ماركتينج او على الأقل أغلبه ببساطة
--------------------------------------
 |
| تعلم مجال الديجيتال ماركتينج - Digital Marketing |
4. عاوزين نتعلم.. نتعلم إزاي؟ أنا هقولك تتعلم إزاي 👌
- في الأول ممكن يكون فيه مصطلحات معقدة عليك لإنك لسه جديد في المجال فيُفضل تبدأ بماتريال عربي أو ماتريال Mixed بين الانجليزي والعربي أو عاميه، بعض من الماتريال الجاية محتواها مش قوي أوي بس مبسطه تعرفك البداية وأول الطريق وده المهم لإن الإهم من الـ Self Study إنك تشتغل في شركة أو تكون في مكان ومع ناس تتعلم منهم أكتر وده اللي هيعلمك أكتر من أي ماتريال بس عشان توصل لده لازم تكون عارف عشان على الأقل تعدي انترفيو التدريب..
- يلا بينا نبدأ👌
أولا: كتاب فيه إزاي تبدأ في مجال السوشيال ميديا و أهم المهارات اللي لازم تكون عندك
-------------------
ثانيا: كورس سوشيال ميدياوي للديجيتال ماركتينج
- كورس أساسيات التسويق الرقمي #أ_ب_تسويق_رقمي | Digital Marketing Basics Course
- كورس تعليم تسويق الكترونى
----------------
ثالثا: بلوج موقع School of marketing
ابحث عنة
ودي من الحجات اللي لازم تقرأ فيها
-----------------
رابعا: كورس للديجيتال ماركتينج معمول من أهم الناس اللي بيشتغلوا ماركتينج في Silicon Valley
----------------------
خامسا: يعني إيه SEO وSEM؟
----------------------------
سادسا: كورس كامل للتسويق الإلكتروني
-------------------------
سابعا: كورس جوجل Ads او Adwords
-------------------------
ثامنا: المحتوى التسويقي
-------------------
تاسعا: كتاب عن خطط المحتوى التسويقي وكيفية اعدادها
------------------
عاشرا: كتاب عن البراندينج branding
------------------
احدى عشر: كتاب عن نظريات وطريقة كتابة المحتوى
------------------
وهنا نكون خلصنا الماتريال اللي هنتعلم منها يعني إيه ديجيتال ماركتينج وهتحطنا على أول الطريق او هتخلينا عندنا خبرة بسيطة وانت ودماغك اللي بتعرف تذاكر وتفكر 😉
5. فيه مهارات اضافيه مش لازمه بس لازم تكون عارفها او تكون عندك 👌
زي إيه؟ أنا هقولك :
- الفوتوشوب: ده مش من اختصاصك بس لازم تكون عارف لإن في مصر فيه شركات كتير بتحملك تاسك إنك تعمل تصميمات لو بسيطة فوق شغلك وده موجود في شركات كتير جدا فعشان متوقفش سوقك لحد ما تجمع خبره لازم تكون بتعرف تعمل ده.. ده كورس للفوتوشوب من البداية 👇
اضغط هنا للذهاب لكورس الفوتوشوب
-------------
- الإنجليزي: اللغة الإنجليزية مهمه جدا في المجال ده عشان المصطلحات وعشان ممكن تشتغل في شغل بالانجليزي او مع اجانب وده بتكون خبرته وفرصه وفلوسه احسن ليك ودول كورسين انجليزي من البداية واحد للمعاملات اليومية والتاني للبيزنس والشغل 👇
-----------------
وأخيرا بعد ما تعدي بكل المراحل دي تشتغل إزاي 👌
لازم تعمل C.V أو Resume محترم فيه صورتك والإيميل بتاعك لازم يكون ايميل شغل رسمي يعني مفيهوش نقط وارقام كتير زي مثلا mahmoud@yahoo.com بسيط ومفيهوش تعقيدات عشان فيه سيفيهات بتترفض بسبب الإيميل بس
وتقدر تعمل سي في محترم من هنا 👇
أو من هنا 👇
أو من هنا 👇
----------------------
وبعد كده هيجي دور إنك تدور على شركات فيها تدريب أو Internship
- أو تجرب تقدم في وظيفة Junior وانت وحظك 👌
وعشان تعمل ده هتلاقيه فين؟ أنا هقولك 😎
أولا: جروب Jobfeed وهو جروب متخصص في كل وظايف وتدريب الماركتينج في مصر تحديدا او بره مصر
ثانيا: صفحة الـ Internships بموقع Wuzzuf
ثالثا: جروب Digital Marketing Jobs in egypt
وبعد كده خلاص بقيت خبره كل اللي انت محتاجه تعمل أكاونت على موقع Wuzzuf و فرصنا وتتابع جروب Jobfeed وجروب Digital marketing jobs لو فيه وظايف تناسبك كل ما بتزيد خبره مع الوقت وتتابع جروبات زي صنايعية المحتوى وسوشيال ميدياوي لإن دول هيفيدوك طول ما انت شغال في المجال 👌
متنساش الدعاء للقائمين علي الموقع بالنجاح والتوفيق